AF268: 62r

Yūsuf‑i dil çāha düşdi iñledi Yaʿqūb u cān
Cān u dilden çünki añdum cevr‑i iḫvān illerin

5 Ḫoş ṣiyānet eylemiş bu yolları ol mīr‑i Quds
Ḥamdi llāh emnle geldük o nālān illerin

Qurd‑ile qoyun yürür ḥüccāca uġrı pās‑bān
Bir ʿaceb cemʿ eylemiş ḥikmetle ḫandān illerin

Yā ilāhī luṭfuñ‑ile qıl naẓar ol ʿādile
Tā ebed ʿadl ile maʿmūr ėde ʿOs̱mān illerin

Ṣaḫratullāh görüb nerm oldı diller hem‑çü mūm
Şevqle ṭavf eyledük miʿrāc‑i sulṭān illerin

Dīdeler giryān olub ėrdi semāya hūy u hāy
Şöyle nālān eyledük ol āh u efġān illerin

10 Mescid‑i Aqṣāya girdük ġāyeti buldı merām
Oqudum vārid olan esrār‑i sübḥān illerin

Rūz‑i cumʿa anda cemʿ oldı qamu erbāb‑i Quds
Ṭālib oldılar dėdük tefsīr‑i Qurʾān illerin

Sīneler sūzān olub hem dīdeler giryān idi
Ḫoş duʿā‑yi ḫayr‑ile bir ėtdük iḫvān illerin

Nefs‑i Firʿavnı zebūn ėtdük ʿaṣā‑yi ẕikr‑ile
Şevqle devr eyledük Mūsā bin ʿImrān illerin

Silm‑i şaʿbān idi niyyet eyledük iḫvān‑ile

Yüz sürüb ṭavf eyledük ḫullān‑i raḥmān illerin
15 Cemʿ‑i iḫvān‑ile ḥavl‑i Quds’i devrān eyledük

Gördük anda Ṭūr‑i Sīnā üzre Selmān illerin

Mācerāya çeşm‑i memlūyı biz ziyār eyledük
Vādĭʾ‑i Quds içre gördük ʿayn Sülvān illerin

Cümle iḫvān u eḥibbāya selām olsun qamu
Ḫayrla yād eylesünler işbu [?] sūzān illerin

Merḥūm Faṣīḥī Beg bu ġazeli bugün söyler ėrtesi qapusı öñinde bir ḥarām‑zāde bıcaq ile urub şehīd eyler

remel: fāʿilātün ‑ fāʿilātün ‑ fāʿilātün ‑ fāʿilün

Çıqmaq ister cān‑i pāküm cism‑i zārumdan benüm
Yėridür çarḫ‑i felek iñlerse zārumdan benüm

İrtiḥāl ėyledüm gibi dār‑i fenādan ʿāqibet
Munfaṣıl olam gibi āḫir diyārumdan benüm

Müddet‑i ʿömr ėrdi pāyāna mecālüm qalmadı
Çeşmüme düşdi ḫarāret dilde nārumdan benüm

Yoq liyāqat varmaġa derdā cenāb‑i ḥażrete
Yüz qaralıqlarla cürm‑i bī‑şümārumdan benüm

Gitdüm ālām‑ile kūyuñdan esen qal dōstum
Rŭz‑găr ilete meger bir gün ġubārumdan benüm

Ey Faṣīḥī ola ʿadem qalmıya nām ü nişān
Cism‑i zārumdan degül bilki mezārumdan benüm

Vefātından ṣoñra gendi ḫaṭṭıyla // cebinde bulunmışdur